சேரனின் பூதக்கண்ணாடி

'அகலக் கால் வைக்காதே மச்சி ஆழ வை' என்பது தான் படத்தின் கரு. இந்த கால இளைஞர்களுக்கு மிக தேவையான ஒரு கருத்து. நல்லதொரு கருத்தை எடுத்துக் கொண்டதற்காக சேரனை பாராட்டலாம். அகலக் கால் வைக்க நினைக்கும் படத்தின் நாயகனின் கதையை மெயின் டிராக்காகவும் ஆழக் கால் வைத்து படிப்படியாக முன்னேறும் நாயகனின் நண்பன் பசுபதியின் கதையை சைடு டிராக்காகவும் மிக அழகாக காட்டி இருக்கிறார் இயக்குநர்

என்ன தான் அழகான மூஞ்சியா இருந்தாலும் ஏன் உலக அழகி ஐஸ்வர்யா ராய் மூஞ்சிய கூட பூதக்கண்ணாடி வழியாக பார்த்தால் கொஞ்சம் விகாரமாகத் தானே தெரியும். அது போல இந்த கதைக் கருவும் சேரனின் பூதக்கண்ணாடி வழியாக பார்க்கும் போது கொஞ்சம் விகாரமககத் தான் தெரிகிறது. நல்ல கரு கிடைத்துவிட்டது என்ற நம்பிக்கையில் அடித்து ஆட முற்பட்டு இருக்கிறார் இயக்குநர். ஆனால் எல்லா பந்துகளையும் அடித்து ஆட நினைத்து பல இடங்களில் கோட்டை விட்டு இருக்கிறார். முக்கியமாக இசை. படத்திற்கு இசை இசைஞானி என்றால் நம்ப முடியவில்லை. இசைஞானி இசையில் அவரே பாடுவதை முதலில் கேட்கும் போது நன்றாக இருந்தாலும் அவரே மீண்டும் மீண்டும் வந்து பாடுவது அலுப்பை தருகிறது

சேரன் கோட்டைவிட்டுள்ள மற்றொரு இடம் திரைக்கதை. திரைக்கதை வைத்துப் பார்க்கும் போது சேரனின் படங்களை ஆட்டோகிராஃப்புக்கு முன் ஆட்டோகிராஃப்புக்கு பின் என்று பிரிக்கலாம். ஆட்டோகிராஃப்புக்கு முந்தைய சேரனின் படங்களில் எல்லாம் திரைக்கதை அந்தந்த கதைக்கு ஏற்ப இருக்கும். ஆட்டோகிராஃப் படத்திலும் அப்படியே இருந்தது. ஆனால் ஆட்டோகிராஃப் படத்தின் பெரும் வெற்றியை ருசி பார்த்துவிட்ட சேரன் அதையே வெற்றியின் ரெசிப்பியாக நினைத்துவிட்டார். அவருடைய அடுத்த படமான 'தவமாய் தவமிருந்து' அட்டோகிராஃப் அளவிற்கு வெற்றி அடையாத போதே சேரன் சுதாரித்து இருக்க வேண்டும். அப்படி செய்யாமல் அதே பாணியை மாயக்கண்ணாடியிலும் கடைப்பிடித்து தோல்வி அடைந்து இருக்கிறார். பெட்டர் லக் நெக்ஸ்ட் டைம் சேரன்

சேரன் என்று பெயர் வைத்து இருப்பதாலோ என்னவோ தன் படங்களுக்கு தொடர்ந்து மலையாள நடிகைகளையே அடுத்தடுத்து புக் செய்கிறார்

விரசமே இல்லாமல் படம் எடுத்ததற்காக அவருடைய படத்திற்கு வரி விலக்கு அளிக்கலாம்