சிவாஜி திரைப்படமும் இளிச்சவாய் தமிழனும்

முதலிலேயே என் வாதத்தை நான் முன் வைக்கிறேன். அதனால் பல குழப்பங்கள் தவிர்க்கப்படலாம். என்னுடைய வாதம் என்னவென்றால் சிவாஜி திரைப்படத்திற்கு இவ்வளவு பெரிய பட்ஜெட் தேவை இல்லை என்பது தான். இப்போது நான மற்றவைகளுக்கு வருகிறேன். சிவாஜி வெற்றி பெறட்டும் மாபெரும் வெற்றி பெறட்டும் அதற்கு என் வாழ்த்துக்கள். ஆனால் சிவாஜியின் வெற்றியால் தமிழன் தான் ஏழையாவான்

இயக்குநர் ஷங்கர் ஒரு நல்ல இயக்குநர் என்பதில் சந்தேகம் இல்லை. அவருடைய படங்களில் சமூக அக்கறை நிறைந்திருக்கும் என்பது எல்லோருக்கும் தெரிந்திருக்கும். ஆனால் அவருடைய படங்களில் வரும் பிரம்மாண்டம் தேவையானதா? என்னை கேட்டல் ஷங்கர் தன்னுடைய படங்களில் பிரம்மாண்டத்தை புகுத்துகிறார் என்றே சொல்வேன். சிவாஜி படத்திற்கு பட்ஜெட் 50 கோடி என்று முதலிலேயே முடிவாகிவிட்டது. சிவாஜி கதையும் ஷங்கரின் முந்தைய படங்களை போல் பாதுகாக்கப்படாமல் வெளிவந்துவிட்டது. இப்படிப்பட்ட ஒரு கதைக்கு 50 கோடி ஆகும் என்றால் நம்ப முடியவில்லை. அதனால் தான் பிரம்மாண்டம் புகுத்தப்பட்டுள்ளது என்று சொல்கிறேன்

சரி 50 கோடி செலவழித்தால் தான் என்ன. அதனால் வரும் லாபம் அதைவிட அதிகம் தானே என்று நீங்கள் கேட்கலாம். அங்கு தான் பிரச்சினையே. இப்போது 50 கோடி பட்ஜெட் கேட்ட ஷங்கர் கண்டிப்பாக அடுத்த படத்திற்கு 100 கோடி கேட்கலாம். இப்படி அடுத்தவர் பணத்தை வாரி இறைக்கும் ஷங்கர் தன்னுடைய முதல்வன் படத்திற்கு அடக்கி தானே வாசித்தார். அவருடைய சொந்த படங்களாகிய காதல், வெயில் எல்லாமே லோ பட்ஜெட் படங்கள் தானே

சரி 50 கோடி செலவழித்தார்கள் அதை எப்படி திரும்ப எடுப்பார்கள். ஏற்கனவே ஆடியோவின் விலை மற்ற படங்களை விட அதிகம். ஹாலிவுட் படங்களை உலகில் உள்ள எல்லா நாட்டு இரசிகர்களும் பார்ப்பார்கள் அதனால் டிக்கெட் விலை கம்மியாக் வைத்தாலும் போட்ட பணத்தை எடுத்துவிடலாம். ஆனால் சிவாஜி படத்தை தமிழர்களாகிய நாம் மட்டும் தான் பார்க்கப்போகிறோம். வேண்டுமானால் மலையாளிகள், தெலுங்கர்கள் மற்றும் ஜப்பானியர்களையும் சேர்த்துக் கொள்ளலாம். எப்பாடி கூட்டி கழித்துப் பார்த்தாலும் டிக்கெட் விலை அதிகாமகத் தான் வைக்கப் போகிறார்கள். இவ்வளவு அதிக விலை கொடுத்து சிவாஜி படத்தை பார்க்க இளிச்சவாய் தமிழனை விட்டால் வேறு யார் இருக்கிறார்கள். அதனால் தான் சொல்கிறேன் சிவாஜியின் வெற்றியால் தமிழன் ஏழை ஆகப் போகிறான்